Ang Everyday Question...

-Kusina Diary 1-

Anong ulam ngayon? My gulay, akala ko tapos na ang aking paghihirap sa pag-iisip ng ulam for the day, hindi pa pala. Hindi pa din nagbabago ang aking role na gampanin kahit nandito na kami sa ibang pamamahay. Napatunayan ko na naman na talagang habang buhay pa ang isang tao, kumakain pa ito. In short, isa ang pagkain sa kanyang maaaring problemahin sa araw-araw. Malas mo lang kung kagaya kita na talagang naka-poste na sa kusina upang gampanan ang mga trabaho na naroroon. Hanggang sa pagtulog ay hindi ka tatantanan ng tanong na iyan, swerte mo na lang kung paggising mo ay may solusyon ka na. Mahirap magmadali at mag-imbento ng kung anu-ano, lalo na kung time-pressured ka. Hahaha. Hindi ako pwedeng pang-Iron Chef. hahaha. Pero madalas, okay naman ang isprikitik na pagkain. Nauubos naman. Yung nga lang, nakakangarag isipin ang pagkain ng paulit-ulit. Tapos, pagnakapili ka na kung ano ang lulutuin, aba'y malalaman mong may kulang ka palang rekado. *dies*

At higit sa lahat, matapos mong pinag-isipan ng matagal, ihanda, iluto, at kung anu-ano pa, eh wala pang 5 minutese ay ubos na ang pagkain. Sarap talaga ng buhay. At least, may iniisip at niluluto pa ako, di ba?

-Panahon-

Wala lang talaga akong magawa sa kasalukuyan kundi magluto at magluto, kung may mailuluto na ha. At sigurado akong sa panahon na ako'y super busy na in the future, mami-miss ko ang mga panahong kagaya nito, kaya dapat lubus-lubusin na. Sobra na ata ito eh... Ayaw ko nang umabot sa panahon na ako'y maging tamad na para kumilos...